बाबुराम खनाल अर्घाखाँची नेकपा माओवादी केन्द्र भुमिकास्थान नगरकमिटीको आयोजनामा आज ढाकाबाङ्गको पिपलनेटामा नेपालीहरुको महान पर्व विजया दशमी, शुभ दिपावली, छठ पर्व र नेपाल सम्वत् का शुभकामना आदान–प्रदान कार्यक्रम सम्पन्न भएको छ । कार्यक्रमका प्रमुख अतिथि एबम माओवादी केन्द्रका केन्द्रिय सदस्य सरस्वती न्यौपानेले सोही अबसरमा सुभकामना व्यक्त गर्दै सबै पार्टी पंक्तिलाई ३ महिने अभियानले थप उर्जा दिएको बताउनु भयो । नेतृ न्यौपानेले आउदै गरेका पर्वले अझै जनता र पार्टीको सम्बन्ध राम्रो गराउन सफल हुने भन्दै जनतामा पार्टीको आकर्षण बढेको बताउनु भयो । कार्यक्रममा नगर प्रमुख झबिलाल थापाले सुभकामना व्यक्त गर्दै पार्टी र नगर पालीको सम्बन्ध सधै सकारात्मक भएको भन्दै नगरको बिकास निर्माणको काममा सबै एक भयर लाग्नु पर्ने बताउनु भयो । कार्यक्रममा पार्टी केन्द्रिय सदस्य ठाकुर कुमार बिक किसोर,छ्म कुमारी खनाल चिनारी,नगर उपप्रमुख बालकृष्ण बन्जाडे,प्रदेश सदस्य ठाकुर सौराग, बाबुराम खनाल लगायतका पार्टी नेता हरुले सुभकामना व्यक्त गर्नु भएको थियो । कार्यक्रम नगर अध्यक्ष नरेन्द्रमान मुखियाको अध्यक्षतामा सम्पन्न भएको थियो । उक्त कार्यक्रममा विभिन्न तहका पार्टी नेता,कार्यकर्ता, जनप्रतिनिधि हरुको बाक्लो उपस्थिति रहेको थियो ।
