निम्बतरु

सत्तासिन सत्तासिनो
गद्दीमा आसिन गद्दार
तिम्रै चंचलासिरी तिम्रै शिरोभर
जय हो ।

देश कहिले स्वर्ग भयो कहिले स्वर्गीय भयो
देश कहिले नर्क थिएन कहिले नारकीय भएन

म त निराश मान्छे
न पलायन भएँ
न अराजक न विद्रोही
तिम्रै जयजयकार गरिरहें

जमीनमा बस्ने जमीनदार
दरबारको दलानमा बस्ने दलाल
मञ्चमा बस्ने मसान
बेन्चमा बस्ने बेकार
भूईँमा आसिन भुस्याहा
सुनओ हेरओ
म निराश छैन
म यहीँ छु