अकबरे खेतीबाट चम्किँदै भेषराज–सुमित्राको मेहनत र सफलता

समाचार सारांश
Auto Generated by AI
  • अर्घाखाँचीका शिक्षक दम्पती भेषराज र सुमित्रा भुसालले १५ रोपनी जग्गामा अकबरे खुर्सानी खेती गरेर वार्षिक १५ लाख रुपैयाँसम्म आम्दानी गर्न सफल भएका छन्।
  • उनीहरूले आफ्नै उत्पादनका साथै अन्य स्थानीय किसानको समेत खुर्सानी संकलन गरी सन्धिखर्क, बुटवल र काठमाडौंसम्म बजारीकरण गर्दै आएका छन्।
  • रोग, किरा र वन्यजन्तुको जोखिमका बाबजुद उनीहरूले खेतीलाई थप विविधीकरण गर्दै फलफूलका बिरुवा समेत लगाएर उदाहरणीय कृषि कर्म गरिरहेका छन्।

हृदय भुसाल, अर्घाखाँची।
मेहनत गर्ने हात र केही गर्ने इच्छाशक्ति भए आफ्नै माटोमा पनि समृद्धिको सपना साकार पार्न सकिन्छ। यसको उदाहरण बनेका छन् अर्घाखाँचीको भूमिकास्थान नगरपालिका–३ धारापानीका भेषराज भुसाल र उनकी श्रीमती सुमित्रा भुसाल। शिक्षण पेशासँगै कृषि उद्यमलाई अघि बढाएका यो दम्पतीले अकबरे खुर्सानी खेतीबाट राम्रो आम्दानी गर्दै गाउँमै सम्भावनाको नयाँ ढोका खोलेका छन्।
४२ वर्षीय भेषराज भुसाल अन्नपूर्ण माध्यमिक विद्यालयमा गणित विषयका शिक्षक हुन्। उनी विगत २१ वर्षदेखि शिक्षण पेशामा आबद्ध छन्। दिनभर विद्यालयमा विद्यार्थीहरूसँग रमाउने भेषराज बिहान र साँझ भने आफ्नै खेतबारीमा पसिना बगाउँछन्। विद्यालयमा विद्यार्थीलाई गणितका सूत्र सिकाउने उनी खेतबारीमा भने मेहनत, परिश्रम र उत्पादनको हिसाब गरिरहेका हुन्छन्।
भेषराजको यो कृषि यात्रामा श्रीमती सुमित्राको साथ र सक्रियता उत्तिकै महत्वपूर्ण छ। दुई वर्षअघि सुरु गरेको अकबरे खुर्सानी खेती अहिले उनीहरूको आम्दानीको राम्रो स्रोत बनेको छ। हाल उनीहरूले करिब १५ रोपनी क्षेत्रफलमा अकबरे खुर्सानी खेती गर्दै आएका छन्।
आफ्नै बारीमा उत्पादन भएको करिब ३ हजार ५०० किलो खुर्सानीसँगै अन्य कृषकले उत्पादन गरेको थप ३ हजार ५०० किलोसमेत जोड्दा कुल ७ हजार किलो अकबरे खुर्सानी उत्पादन तथा बिक्री हुने गरेको छ। यसबाट उनीहरूसहित सम्बन्धित कृषकहरूको कुल आम्दानी करिब १५ लाख रुपैयाँ पुगेको छ।
यो सफलता भेषराज र सुमित्राको व्यक्तिगत आम्दानीमा मात्रै सीमित छैन। उनीहरूले आफ्नै उत्पादनसँगै अन्य कृषकको खुर्सानीलाई समेत बजारसम्म पुर्‍याउने काम गर्दै आएका छन्। यसले स्थानीय कृषकलाई व्यावसायिक खेतीतर्फ आकर्षित गर्न र उत्पादनको बजारीकरणमा समेत सहयोग पुर्‍याएको छ।
कृषि उद्यममा सुमित्राको महत्वपूर्ण भूमिका
भेषराज शिक्षण पेशामा व्यस्त रहँदा कृषि उद्यमको व्यवस्थापन र बजारीकरणमा सुमित्राको महत्वपूर्ण भूमिका रहने गरेको छ। श्रीमान्–श्रीमतीको आपसी समझदारी, सहकार्य र मेहनतले नै खेतीलाई व्यावसायिक रूपमा अघि बढाउन सहज भएको छ।
अकबरे खुर्सानी उत्पादन गरेपछि बजार खोज्दै भौँतारिनुपर्ने अवस्था नरहेको सुमित्रा बताउँछिन्। उनका अनुसार उत्पादित खुर्सानी सन्धिखर्क, बुटवल हुँदै काठमाडौंसम्म बिक्री हुने गरेको छ। बजारको कुनै समस्या नरहेकाले आफूहरूलाई खेती विस्तार गर्न थप हौसला मिलेको उनको भनाइ छ।
तर कृषि कर्ममा सबै कुरा सहज भने छैन। बजारको समस्या नभए पनि रोग तथा किराको प्रकोप र वन्यजन्तुबाट हुने क्षति अकबरे खेतीका प्रमुख चुनौती रहेको सुमित्रा बताउँछिन्। बालीमा लाग्ने रोग तथा किराको नियन्त्रण र वन्यजन्तुबाट खेती जोगाउन किसानले कठिनाइ भोग्नुपरेको उनको अनुभव छ।
उत्पादनको बजार सुनिश्चित भए पनि बाली संरक्षणमा समस्या रहेकाले सरकारले किसानलाई आवश्यक प्राविधिक सहयोग र संरक्षणका कार्यक्रम ल्याउनुपर्ने उनको अपेक्षा छ। रोग, किरा र वन्यजन्तुको जोखिम कम गर्न सके अकबरे खेतीलाई अझ विस्तार गर्न सकिने सुमित्राको विश्वास छ।
अकबरेसँगै सित्तलचिनी, आँप र लिची खेती
भेषराज र सुमित्राको कृषि कर्म अकबरे खुर्सानीमा मात्रै सीमित छैन। उनीहरूले भविष्यमा कृषि व्यवसायलाई थप विविधीकरण गर्ने उद्देश्यले करिब एक हजार वटा सित्तलचिनीका बिरुवा लगाएका छन्। त्यस्तै, करिब १५० वटा आँप र लिचीका बिरुवासमेत हुर्काइरहेका छन्।
तत्काल आम्दानी दिने अकबरे खुर्सानीसँगै दीर्घकालीन आम्दानीको सम्भावना बोकेका फलफूल तथा अन्य बिरुवा लगाएर उनीहरूले कृषि व्यवसायलाई फराकिलो बनाउँदै लगेका छन्। एउटै खेतीमा निर्भर नभई विभिन्न कृषि उत्पादनमार्फत आम्दानीका स्रोत बढाउने उनीहरूको सोच प्रशंसनीय छ।
यस दम्पतीका दुई छोरा छन्। ९ र १३ वर्षका छोराहरूले पनि फुर्सदको समयमा आमाबुबालाई खेतीपातीमा सघाउने गरेका छन्। परिवारका सबै सदस्यको साथ, सहयोग र सहकार्यले कृषि कर्मलाई थप सहज बनाएको छ।
साना किसानको स्तरोन्नतिमा राज्यको ध्यान जानुपर्ने
ग्रामीण क्षेत्रमा व्यावसायिक कृषि गर्ने किसानका लागि राज्यले विशेष कार्यक्रम ल्याउनुपर्ने भेषराज र सुमित्राको अपेक्षा छ। विशेषगरी साना किसानलाई व्यावसायिक कृषिमा स्थापित गर्न उत्पादन प्रविधि, प्राविधिक परामर्श, रोग तथा किरा नियन्त्रण, वन्यजन्तुबाट बाली संरक्षण र कृषि सामग्रीमा सहयोग पुग्ने विशेष योजना आवश्यक रहेको उनीहरूको भनाइ छ।
साना किसानको मेहनत र लगानीलाई प्रोत्साहन गर्दै उनीहरूको आर्थिक अवस्था माथि उठाउने खालका कार्यक्रम सरकारले ल्याउनुपर्ने उनीहरू बताउँछन्। किसानले उत्पादन गरेको वस्तुको बजार सुनिश्चित गर्ने र कृषि उद्यमलाई थप व्यवस्थित बनाउनेतर्फ पनि राज्यको ध्यान जानुपर्ने उनीहरूको अपेक्षा छ।
शिक्षणजस्तो जिम्मेवार पेशामा रहेर पनि समयको व्यवस्थापन गर्दै कृषि उद्यम गर्न सकिन्छ भन्ने उदाहरण भेषराजले प्रस्तुत गरेका छन्। त्यस्तै, श्रीमान्को पेशागत व्यस्तताबीच कृषि व्यवस्थापन, उत्पादन र बजारीकरणमा सक्रिय सुमित्राले पनि महिलाहरू घरपरिवारको जिम्मेवारीसँगै व्यावसायिक कृषि उद्यममा सफल हुन सक्छन् भन्ने प्रेरणा दिएकी छन्।
अहिले गाउँघरमा रोजगारी र आम्दानीको अवसर खोज्दै धेरै युवा तथा परिवार अन्यत्र जाने क्रम बढिरहेको छ। यस्तो अवस्थामा आफ्नै गाउँको माटोमा सम्भावना खोज्दै कृषि उद्यममा रमाएको भेषराज–सुमित्रा दम्पतीको प्रयास अनुकरणीय छ।
दुई वर्षको छोटो अवधिमै १५ रोपनीमा अकबरे खुर्सानी खेती विस्तार गर्दै अन्य कृषकको उत्पादनलाई समेत बजारसँग जोड्न सफल यो दम्पतीको यात्रा मेहनत, पारिवारिक सहकार्य र उद्यमशीलताको सुन्दर उदाहरण बनेको छ। उनीहरूको प्रयासले एउटा सन्देश दिएको छ—आफ्नै माटोमा सम्भावना खोज्ने हो भने गाउँमै बसेर पनि राम्रो आम्दानी र आर्थिक समृद्धिको बाटो पहिल्याउन सकिन्छ।

यो खबर पढेर तपाईलाई कस्तो महसुस भयो ?
icon
खुसी
icon
दुःखी
icon
अचम्मित
icon
हाँस्यास्पद
icon
आक्रोशित
तपाईको प्रतिक्रिया
प्रतिक्रियाहरु (०)
नाम चार शब्द भन्दा बढि लेख्न मिल्दैन
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
spot_img
spot_img
- Advertisement -spot_img
- Advertisement -spot_img
- Advertisement -spot_img
spot_img
spot_img

सम्बन्धित न्यूज

- Advertisement -
🔊
- Advertisement -spot_img
- Advertisement -spot_img

फेसबुकमा हामी

- Advertisement -spot_img

ताजा समाचार

असाेजमा भित्रियाे कीर्तिमानी रेमिट्यान्स, एकै महिनामा २ खर्ब ६७ अर्ब

मलेसिया जाने श्रमिकमाथि ठगी प्रकरणमा दुई पूर्वमन्त्रीसहित ६ जना पक्राउ

दानबहादुर कार्कीको रिटमा कारण देखाऊ आदेश

एमालेको राष्ट्रिय कार्यकर्ता भेला आजदेखि, आउँदो पालिका चुनाव केन्द्रित रहेर छलफल हुने

धन्चौरको माटोबाट जन्मियर राष्ट्रिय सांगीतिक मञ्चमा चम्किँदै सन्ध्या आचार्य

- Advertisement -spot_img
-Advertisement-spot_img