बिष्णु खनाल, अर्घाखाँची । नेपाली काङ्ग्रेस अर्घाखाँचीको दोस्रो पुर्ण बैठक वि.पि. स्मृती भवन सन्धिखर्कमा सम्पन्न भएको छ । बैठकले विभिन्न महत्वपूर्ण निर्णय समेत गरेको छ ।
्बैठकमा सरकारले आगामी बैशाख ३० गते घोषणा गरेको स्थानीय चुनावलाई लक्षित गरि बृहत् छलफल भएको काङ्ग्रेस जिल्ला सभापति केशव श्रेष्ठले जानकारी दिनुभयो । पार्टी पदाधिकारी, जिल्ला सदस्य, प्रदेश क र ख का सभापती, ६ वटै पालिका सभापती, विभिन्न भातृ संगठनका प्रमुख, शुभेच्छुक संस्थाका प्रमुख लगायतको सहभागितमा महत्वपूर्ण बैठक सम्पन्न भएको हो ।
बैठकमा जिल्ला सदस्यहरु, प्रदेस सभापति पालिका सभापति, काङ्ग्रेस महिला नेतृ तथा पाणिनि उपाध्यक्ष लक्ष्मि गौतम समेतको उपस्थिति रहेको थियोे । बैठकमा जिल्ला सदस्यहरुले महत्त्वपूर्ण भनाई राखेका थिए भने प्रदेस र पालिका सभापतिहरुले पालिकाको रिपोर्टिङ गरेको काङ्ग्रेस जिल्ला सदस्य सुर्य भुसालले जानकारी दिनुभयो ।
सभापती केशव श्रेष्ठको सभापतित्व र सचिव कृष्ण प्रसाद खनालको सञ्चालनमा कार्यक्रम सम्पन्न भएको हो ।
