१० फाल्गुन २०८०, बिहिबार
१० फाल्गुन २०८०, बिहिबार

पाल्पाका कृषक धान भित्र्याउन व्यस्त

Workplace

पाल्पा । पाल्पाका खेत तथा फाँटहरुमा धान पाकेर पहेँलपुर भएका छन् । धान खेती भएका अधिकांश स्थानमा धान पाकेर गह्रा तथा फाँटहरू पहेँलपुर बनेका हुन । गएको असार र साउनमा किसानले रोपेका धान यतिबेला पाकेर फाँटहरू पहेँलपुर बनेका छन् । जसको व्यवस्थापनका लागि कृषकहरु लागि परेका छन् । नेपालीहरुको महान पर्व बडादसैँ सकिए लगतै कृषकहरु पहेँलपुर भएको धान व्यवस्थापनमा लागेका हुन । कृषकहरु दशै सकिएपछि खेतमा पाकेको धान स्याहार गर्न खटेको कृषक कृष्णबहादुर रेग्मीले बताउनुभयो । उहाँले यस वर्ष दसैंको मुखमै धान पाकेर पहेँलै भइसकेको भएपनि पर्वका सयम धान काट्न नमिलेको कृषक रेग्मीको भनाइ छ ।

रोपाँइ भएका सबै खेतमा धान पाकेकोले दशैंको रौनक सकिएलगतै माडीफाँटमा धान काट्ने माचो सुरु भएको छ । जिल्लाको रामपुर फाँट, माडीफाँट, कचलफाँट, पूर्वखोला फाँट तथा अर्गली फाँटमा धान खेती हुनेगरेको छ । यस वर्ष धानमा विगतका वर्षमा जस्तो रोग लागेको छैन । अधिकांश स्थानमा धान खेतीमा रोग नलागेका कारण धान उत्पादन बढ्ने अनुमान गरिएको कृषि प्राविधिकहरुको रहेको छ । पाल्पामा आठ हजार ६ सय २० हेक्टर क्षेत्रफलमा धान खेती हुने गरेको कृषि ज्ञान केन्द्र पाल्पाकी प्रमुख कामना अधिकारीले जानकारी दिनुभयो ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

spot_img
spot_img

सम्बन्धित खबर

- Advertisement -spot_img
spot_img

लाेकप्रिय

spot_img
spot_img

भर्खरै