अर्घाखाँची । ढुंगाना प्रतिष्ठान नेपाल अर्घाखाँचीको अध्यक्षमा लिलामणी ढुंगाना चयन भएका छन् । सनिवार भएको प्रथम जिल्ला अधिवेशनबाट लिलामणी ढुंगानाको अध्यक्षतामा ९ सदस्यीय कार्य समिति गठन गरिएको हो । जसको उपाध्यक्षमा देवेन्द्र ढुंगाना, सचिवमा विष्णु ढुंगाना, कोषाध्यक्षमा कमला ढुंगाना, सदस्यहरुमा चुरामणी ढुंगाना, तुलषी ढुंगाना, गीता ढुंगाना, रामप्रसाद ढुंगाना र अमृत ढुंगाना रहेका छन् । अधिवेशनले सल्लाहकार समिति समेत गठन गरेको छ । सल्लाहकार समितिको संयोजकमा नेत्र प्रसाद ढुंगाना रहेका छन् भने सदस्यहरुमा दामोदर ढुंगाना, शिवलाल ढुंगाना, जीवनारायण ढुंगाना रहेका छन् । कार्यक्रममा ढुंगाना प्रतिष्ठान नेपालको भित्तेपात्रो समेत विमोचन गरिएको थियो ।
अधिवेशनको उद्घाटन शत्रमा बोल्दै ढुंगाना प्रतिष्ठान नेपाल लुम्बिनी प्रदेश अध्यक्ष बसन्तराज ढुंगानाले ढुंगाना बन्धुहरु एकजुट हुन आवश्यक रहेको बताए । उनले परम्परा, सस्कृति, रितिरिवाज पछिल्लो समय हराउन गइरहेको बताउँदै त्यसको जर्गेना गर्न लाग्नुपर्ने बताएका थिए ।
कार्यक्रममा ढुंगाना प्रतिष्ठान नेपाल लुम्बिनी प्रदेश कोषाध्यक्ष सरस्वती ढुंगाना, रुपन्देही प्रतिनिधि चोलाकान्त ढुंगाना, नवलपरासी प्रतिनिधि अम्बिका ढुंगाना लगायतको मन्तव्य राखेका थिए । कार्यक्रम जेष्ठ नागरिक शिवलाल ढुंगानाको अध्यक्षता र विष्णु ढुंगानाको संचालनमा सम्पन्न भएको थियाो ।
