१ असार २०८१, शुक्रबार
१ असार २०८१, शुक्रबार

लुम्बिनी प्रदेशमा सञ्चार क्षेत्रको बजेट कटाैती हुदैन : मन्त्री पाण्डे

Workplace

भालुवाङ । लुम्बिनी प्रदेश सरकारका आन्तरीक मामिला, कानुन तथा सहकारी मन्त्री सन्तोष कुमार पाण्डेले लुम्बिनी प्रदेशमा सञ्चार क्षेत्रको बजेट कटाैती नहुने बताएका छन् ।

दिगो विकास तथा आर्थिक समृद्धिकाे यात्रामा सञ्चार क्षेत्र र पत्रकारिता क्षेत्रको प्रमुख भुमिका रहेको उल्लेख गर्दै पत्रकारीताको बिकासका लागि प्रतिबद्ध रहेको बताए ।

अर्घाखाँचीकाे शितगंगा नगरपालिका ८ भालुबांगमा नेपाल पत्रकार महासंघ लुम्बिनी प्रदेशको आयोजना र आन्तरिक मामिला कानुन तथा सहकारी मन्त्रालयको सहयोगमा सञ्चालन भएको अनलाइन मिडिया सम्पादन अभिबृद्धि प्रशिक्षण कार्यक्रमको उद्घाटन समारोहलाई सम्बोधन गर्दै मन्त्री पाण्डेले यस्तो बताएका हुन् ।

मन्त्री पाण्डेले पत्रकारीताको बिकासबिना अन्य क्षेत्रको बिकासको सँभव नभएको भन्दै पत्रकारीताको बिकासमा आफ्नो प्राथमीकता रहने बताए । आमजनतामुखी पत्रकारीता आजको आवश्यकता भएको भन्दै उनले जनताको सुख, दुःखसंग जोडीएर सत्य तथ्य सार्वजनीक गर्नसकेमात्र पत्रकारका बिश्वास बढ्ने बताए ।

उनले प्रदेश सरकारले बिनीयोजन गरेको बजेटलाई कार्यान्वयनमा लैजान छिटोभन्दा छिटो कार्यबिधि बनाउने प्रतिबद्धता समेत ब्यक्त गरे ।

लुम्बिनी प्रदेशका विभिन्न जिल्लाका पत्रकारहरुकाे सहभागीता रहेको तालिमको सहजीकरण सुफल काफ्ले र किरण काैशलले गरेका छन् । तालिमको उद्घाटन समारोह पत्रकार महासंघ लुम्बिनी प्रदेश समितिका अध्यक्ष बसन्त गिरीको अध्यक्षता, उपाध्यक्ष चुमा आचार्यकाे स्वागत मन्तब्य र महासचिव बिक्रम खड्काको सञ्चालनमा सम्पन्न भएको हाे ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

spot_img
spot_img

सम्बन्धित खबर

- Advertisement -spot_img
spot_img

लाेकप्रिय

spot_img
spot_img

भर्खरै