बुटवल । समाजबादी प्रेस संगठन रोल्पाको पहिलो अधिबेशन रोल्पाको लिबाङमा सम्पन्न भएको छ । ललिता चन्दको अध्यक्षतामा १५ सदस्य नयाँ कार्यसमिती चयन भएको संगठन लुम्बिनी प्रदेश उपाध्यक्ष प्रतिज्ञा बुढाले जानकारी दिनु भएको छ ।
पहिलो अधिबेशनलाई सम्बोधन गर्दै समाजबादी प्रेस संगठनका केन्द्रिय सचिवालय सदस्य तथा लुम्बिनी प्रदेश अध्यक्ष हृदय भुसालले राजनीति परिबर्तन सगै मुलुकका सबै सामाजिक तथा रुपान्तरणको अभियानमा मिडिया र पत्रकारहरु महत्त्वपूर्ण भुमिका रहेको बताउनु भयो । अध्यक्ष भुसालले पत्रकारहरुको पेसागत सुरक्षा,साथै श्रमजिबि पत्रकारहरुको सबालमा विभिन्न एजेन्डा अगाडी बढाएको भन्दै अबको पत्रकारिताको मिसन बिकास,समृद्धि र सुशासनका लागी खोजमुलक पत्रकारिता अगाडी बढाउनु पर्ने बताउनु भयो । पत्रकार भुसालले नयाँ योजना र दृस्टिकोणका साथ संगठनलाई अगाडी बढाएको बताउनु भयो ।
अधिबेशनमा नेकपा (एस) का केन्द्रिय सदस्य रोल्पा इन्चार्ज हरि प्रसाद घर्ती, पार्टी जिल्ला कमिटी अध्यक्ष,टंक बुढा लगायतका पार्टी तथा संगठनका नेताहरूले सुभकामना व्यक्त गर्नु भएको थियो । अधिबेशनमा हिमाल घर्ती रमित घर्ती लगायतको आथित्यता रहेको कार्यक्रम धन बहादुर डिसिको अध्यक्षता, प्रतीज्ञा बुढाको संचालनमा कार्यक्रम सम्पन्न भएको थियो ।
