- वैदेशिक रोजगार विभागले मलेसियाको प्रणालीमा सूचीकृत २७५ म्यानपावर कम्पनीलाई ७ दिनभित्र नाम फिर्ता लिन निर्देशन दिएको छ।
- विभागले म्यानपावर कम्पनीहरूलाई प्रतिस्पर्धा रोक्ने खालका गतिविधि नगर्न सचेत गराउँदै कानुनी आधारमा यो कदम चालेको हो।
- सरकारी निर्देशनप्रति म्यानपावर व्यवसायीले असन्तुष्टि जनाउँदै कूटनीतिक तवरबाट समस्या समाधान गर्न सरकारलाई आग्रह गरेका छन्।
काठमाण्डाै – वैदेशिक रोजगार विभागले मलेशियाको फरेन वर्कर सेन्ट्रलाइजेसन सिस्टमा सूचीकृत २७५ वटा म्यानपावर कम्पनीलाई आफ्नो नाम फिर्ता लिन निर्देशन दिएको छ ।
विभागले ती कम्पनीलाई पत्र पठाउँदै एफडब्ल्यूसीएमएसको वेबसाइटमा रहेको आफ्नो आबद्धता ७ दिनभित्र फिर्ता लिन निर्देशन दिएको हो । वैदेशिक रोजगार ऐन २०६४ को दफा ३७ बमोजिम निर्देशन दिएको विभागले जनाएको छ ।
साथै प्रतिस्पर्धा सङ्कुचन गर्ने गतिविधिमा संलग्न नहुन म्यानपावर कम्पनीलाई सचेत गराइएको छ ।
विभागको निर्देशनप्रति सूचीकृत म्यानपावर व्यवसायीहरूले असन्तुष्टि जनाएका छन् । उनीहरूले आफूहरूलाई नाम फिर्ता लिन निर्देशन दिनुभन्दा सरकारले कूटनीतिक पहलमार्फत मलेशिया सरकारसँग समन्वय गरेर समस्या समाधान गर्नुपर्ने बताएका छन् ।
मलेशिया रोजगारीमा देखिएको समस्या समाधानका लागि प्रधानमन्त्री वालेन्द्र शाहले केही दिनअघि मलेशियाका प्रधानमन्त्री अनवर इब्राहिमसँग टेलिफोन वार्ता गर्नुभएको थियो । तर मलेशिया सरकारले भने वार्ताबारे अहिलेसम्म सार्वजनिक रूपमा कुनै जानकारी दिएको छैन ।
