हृदय भुसाल अर्घाखाँची ।संयुक्त किसान संघर्ष समिती अर्घाखाँचीले आफ्ना विभिन्न दशबुधे माग सहित अर्घाखाँची जिल्लाका प्रमुख जिल्ला अधिकारी मिना अर्याल मार्फत सम्मानित प्रधानमन्त्रीको कार्यालयलाई ज्ञापनपत्र बुझाएको छ ।
ध्यानाकर्षण पत्रमा भनिएको छ सम्माननिय प्रधानमन्त्री ज्यू,
नेपाल कृषि प्रधान देश भएर पनि कृषि क्षेत्रको उत्पादन र उत्पादकत्वमा ठुलो ह्रास आएको साथै कृषि भुमिको खण्डिकरण र जग्गा बाझो रहने लगायतका समस्याले अझ बिकाराल रुप स्थिति सृजना हुँदै गएको सन्धर्भमा कृषि क्षेत्र र किसानका जलन्तर मागहरूलाई तत्काल सम्बोधन गर्न आवश्यक ठोस निति कार्यक्रम बजेटको व्यवस्था गरि विषेश योजना अघि सार्न र प्रभावकारी कार्यनयन गर्न जोडजाड माग गर्दै नेपालका ६ कम्युनिष्ट पार्टी आवद्व किसान संगठनले मिति २०७९ चैत ८ गते नेपाल सरकारका सम्माननीय प्रधानमन्त्री समक्ष किसानका मुख्य १० मागहरू पुरा गर्न प्रमुख जिल्ला अधिकारी अर्घाखाँची मार्फत यो ध्यानाकर्षण पत्र पेश गरेका छौँ ।
मागका मुख्य विषयहरु तपशील रहेका छन् ।
१। किसानहरुलाई गुणस्तरीय मल बिउहरु अबिलम्ब उपलब्ध गराउनुपर्ने ।
२। भुमि बैंक खारेज ।
३। कृषिमा बिदेशी लगानी निषेध ।
४। बढ्दो महंगी नियन्त्रण ।
५। मिटरब्याजीलाइ कारबाही ।
६। क्रान्तिकारी बैज्ञानिक भुमि सुधार लागू गर्नुपर्ने ।
७। स्वदेशी किसानलाई संरक्षण तथा प्रबर्द्धन गर्नुपर्ने ।
८। कृषि पेन्सन लागू गर्नुपर्ने ।
९। स्वदेशी उत्पादनको ग्यारेन्टी गर्नुपर्ने ।
१०। विदेशी कृषि उत्पादन आयत बन्द गर ।
प्रमुख जिल्ला अधिकारी मिना अर्याल लाई ध्यानाकर्षण पत्र बुझाई बजार परिक्रम गरि कोण सभा कार्यक्रम गरिएको किसान महासंघका नेता युबराज पौडेलले बताए । पौडेलले कृषि पेसा प्रति राज्य जिम्मेवारी नभएकोले फेरि पनि ध्यानाकर्षण गराएको बताए । ध्यानाकर्षण पत्र बुझाउन किसानका नेता सुनिता बेल्वासे लगायतको उपस्थितमा बुझाईएको स्रोतले जानकारी दिएको छ ।
