अर्घाखाँची । गठबन्धनको तर्फबाट अर्घाखाँची प्रदेश सभा (ख) का उम्मेदवार नेपाली कांग्रेसका नेता कमल प्रसाद भुसालले सुशासन र पादशिततालाई पहिलो प्राथमिकतामा राखेको बताएका छन् । जिल्लामा हुने हरेक विकास निमार्णमा सुशासन र पार्दशितता हुन आवश्यक रहेको जिकिर गरे । मंगलबार सन्धिखर्क नगरपालिका वडा नं. ६ का विभिन्न टोलहरुमा मतदाताहरु सँगको भेटमा उनले यस्तो बताएका थिए ।
भुसालले समृद्ध जिल्ला बनाउन आफ्नो उम्मेदवारी रहेको बताए । उनले भने ‘ शिक्षाको गुणस्तर सुधार, खानेपानी र स्वास्थ्य क्षेत्रमा मेरो बढि जोड रहने छ । जिल्लालाई विकसित र समृद्ध बनाउन सबैले गठबन्धनका उम्मेदवारलाई जिताउन आवश्यक छ ।’
जनताहरुलाइ कुनै भ्रम र लोभमा नपरी गठबन्धनको उम्मेदवर जिताउन आग्रह गनुभयो । लोकतान्त्रिक गठबन्धन ५ वर्षसम्म रहने भन्दै विकास निर्माणसँगै समृद्ध जिल्ला बनाउँन गठबन्धनको जित सुनिश्चित रहेको भुसालको भनाइ ।
