३० भाद्र काठमाडौ । नेकपा (एकीकृत समाजवादी) का प्रमुख सचेतक तथा पुर्व मन्त्री मेटमणी चौधरीले नेपाली समाजलाई आज पनि जात, धर्ममा विभाजित गराएर मुलुकलाई कम्जोर बनाउन खोजिएको बताएका छन् । आज सनिवार काठमाडौंको सि.सि.आर.सि. क्याम्पसमा आयोजित नमुना युवा संसद कार्यक्रममा बोल्दै नेता चौधरीले अब पनि समाजमा जात धर्मको कुरा गरे मुलुकको विकास असम्भव रहेको बताए ।
नेपाल भन्दा पछाडि रहेका विश्वका विभिन्न देशहरुले विकासमा फड्को मारेको बताउँदै हामी भने अझै जातजाति र धर्मका कुराहरु मै अलमलिएको बताए । “अबको नयाँ पुस्ताले मुलुक प्रति निराशा होइन आशाको दियो बाली राजनीतिमा पनि हस्तक्षेप बढाउनुपर्छ,” उनले भने । “यो देश हामी आफैंले बनाउनुपर्छ भन्ने अठोटका साथ युवा पुस्ता अघि बढ्नुपर्छ ।”
यस्तै चौधरीले सरकारले चलाएको भ्रष्टाचार अभियानले भ्रष्टाचार मुद्वामा मुछिएका सबैलाई कानुनी दायरामा ल्याउने बताउँदै अब देशका कुनैपनी भ्रष्टाचारी जोगिन नसक्ने समेत जिकिर गरे ।
