अर्घाखाँची । नेपाली कांग्रेसका नेता तथा गठबन्धनका तर्फबाट अर्घाखाँची प्रदेश ख का सझा उम्मेदवार कमल भुसालले पैसा दिएर भोट माग्नेले बिकास नगर्ने बताएका छन् ।
भुसालाले आफ्ना प्रतिस्पर्धीहरुले भोट हाल्न पैसा बाड्ने र प्रलोभन देखाउने गरेको पाइएकोले जनता आफै सचेत हुनुपर्ने भन्दै उनिहरुले बिकास नभइ बिनास गर्ने बताए । “भोट हाल्न पैसा बाढ्नु भनेको ब्यापारमा लगानी गर्नु जस्तै हो, लगानी गरेपछी दोहोरो प्रतिफल लिन खोज्छ । त्यस्ताले बिकास गर्दैन” भुसालले भने ।
एक हजार दिएर भोट किन्नेले भोलि तपाईं हाम्रै करको रकम भ्रष्टाचार गरेर ५ हजार बढी असुल गर्ने भन्दै भुसालले भोटको मोल गर्ने संग जनता सचेत हुनुपर्ने बताए ।
यस्तै पाणिनी गाउपालिकाको मैदान भर्तापुरमा मतदाता संग कुराकानी गर्दै भुसालले भर्तापुरलाइ कस्तो बनाउने भन्ने योजना भर्तापुरबासीसंग बसेर बनाएर नमुना बनाउने बताए । भुसालले आफुले जितेपछी पहिलो काम नै भर्तापुरको खानेपानीको समस्या समाधान गर्ने बताए ।
