बाबुराम रसाईली अर्घाखाँची । नेकपा माओवादी केन्द्रको मालारानी गाउँ पालिका वडा नं. ५ बुढीचौरमा टोल कमिटी गठन भएको छ । सनिवार सम्पन्न भेलाले सुरज वि.क को अध्यक्षतामा २९ सदस्यीय टाेल कमिटी गठन गरेकाे हो । जसकाे उपाध्यक्षमा तारा ताम्राकार, तारा भुसाल, सचिवमा विजुला वि.क, सहसचिवमा सिता वि.क र काेषााध्यक्ष निमानन्द भुसाल सहितको २९ सदस्यीय टाेल कमिटी गठन गरेकाे हाे ।
भेलामा नेकपा माओवादी केन्द्र मालारानी गाउँपालिका कमिटी उपाध्यक्ष सीता विकको प्रमुख अतिथ्यता रहेको थियो । भेलालाई सम्बोधन गर्दै प्रमुख अतिथि समेत रहेकी विकले नक्कली माओवादी नबन्न आग्रह गर्दै सक्षम कार्यकर्ता बनी आसन्न स्थानीय तहको निर्वाचनमा वडा र पालिकालाई विजयी बनाउन सबै कार्यकर्ता लाग्नुपर्ने बताइन् । उनलेे अहिले केही अवसरवादीहरु जनतामाझ झुटा कुरा गर्दै हिडेको बताउदै त्यस्ता अवसरवादीका पछाडि जस्ताेसुकै परिस्थितिमा पनि नलाग्न र झुटाे प्रलाेभनमा नर्पन समेत आग्रह गरिन् ।
भेलामा नेकपा (माओवादी केन्द्र) मालारानी गाउपालिका सदस्य विक्रम ताम्राकार, बाबुराम रसाईली, ५ नं. वडा कमिटी सदस्य पाेम नारायण भुसाल, वाइसीएल नेपालका वडा कमिटी सदस्य भाेज बहादुर ताम्राकार, जनप्रगतिशिल मन्च कतारका केन्द्रीय सदस्य माेहन वि.क लगायतकाे उपस्थिति रहेको थियो ।
भेला नेकपा माओवादी केन्द्र ५ नं. वडा कमिटी अध्यक्ष हुमानसिह ताम्राकारकाे अध्यक्षता, अनेमसंघ (क्रान्तिकारी) ५ नं. वडा कमिटी सदस्य तारा वि. क काे स्वागत मन्तव्य तथा वडा कमिटी सदस्य निर्मला वि. क काे संचालनमा सम्पन्न भएको थियो ।
