अर्घाखाँची । जनता समाजवादी पार्टी नेपाल अर्घाखाँचीले स्थानीय निर्वाचनमा केन्द्रित रहदै पार्टी कार्यलय सन्धिखर्कमा बैठक सम्पन्न गरेको छ ।
कार्यक्रममा बोल्दै जनता समाजवादी पार्टीका जिल्ला अध्यक्ष जिन्दक खड्काले आउदो स्थानीय निर्वाचनमा जनता समाजवादी पार्टी अर्घाखाँचीको सबै स्थानीय सरकारमा प्रतिनिधित्व गर्ने गरि तयारी भएको बताएका छन । खड्काले यथास्थितिमा गुज्रिएका राजनीतिको भ्रम चिर्दै जनताको माजमा पुग्न सम्पुर्ण नेता कार्यकर्तामा आग्रह गरेका छ्न । उनले जिल्लामा ५ दलिय गठबन्धन बनिसकेको हुँदा गठबंधनले सम्पुर्ण स्थानमा जित हासिल गर्ने र प्रतिगामी तत्वलाई प्रस्त पार्ने समेत जनाएका छन ।
कार्यक्रम मगरात राष्ट्रिय समितिका लुम्बिनी प्रदेश संयोजक टोपबहादुर बलाल, जिल्ला इन्चार्ज नेत्र थापा, प्रदेश सदस्य मनिस सिंह , पुष्करनाथ आचार्य , प्रेस मन्च केन्द्रिय सदस्य दिनेश विकल्प, समाजवादी दलित मुक्ति मोर्चा केन्द्रिय सदस्य सुरज बिक, शोभाखर बिक, जिल्ला सदस्य टुक ब. चेवाली, पुर्ण प्रसाद श्रेष्ठ लगायतका नेताहरुको सहभागीता रहेको थियो ।
जिल्ला अध्यक्ष जिन्दक खड्काको अध्यक्षता रहेको कार्यक्रममा जिल्ला सचीव जे.वि दर्लामीको संचालन रहेको पत्रकार अन्जना खनालले जानकारी दिनुभयो ।
