झोंटा मकै ।
—-====
एक हाते छ भैंसी
र एक साँझे
लहलहाउँदो गहुँबारी
लटरम्म स्कुश
घर एकहुल्टे
धत् ! कसैले लामो हात गर्यो भने
पेल्नलाई ठिक्क बिस्कुनभरि तोरी
सिकुवाभरि झोंटा मकै
घर बाहिर असरल्ल छोडिएका कफीदाना
हत् !कोही घुसघसेले ताल पार्यो भने
घर चकमन्न छ मबिना सुनो हुन्छ
झलमल्ल दिन भए केही फरक पर्दैन
झ्यालबाटै तीनआँख्ले तारा देखिन्छ
भर छैन् केहीको
हैट !जून झरेर उन्को रुप चोर्यो भने
घरमै टकटकाउँदो ओछ्यान छ
आधा मन उतै छ
यसरी त कहीँ गई अडिन सकिन्न
जङ्गल घनघोर भएपनि
लामो बाटोमा नागबेली खोला भए पनि
मनतातो घरमै छ
यसरी त अन्त बास बस्न सकिन्न ।
#निम्बतरु
