नविन रसाइली अर्घाखाँची । अर्घाखाँची जिल्लाको सन्धिखर्क नगरपालिका वडा नं. ३ खाँचीखर्क निवासी खिम बहादुर श्रेष्ठको पहिरोले गोठ भत्किदाँ भैसी, गोरु र बाख्रा मरेका छन् । निरन्तरको वर्षाका कारण सनिबार बिहान करिव ११ बजेतिर गएको पहिरोले गोेठ भत्किदा एउटा भैसी, एउटा गोरु र एउटा बाख्रा मरेको हो ।
श्रेष्ठको गोठबाट एउटा भैसीको पाडी भने जिवितै उद्दार गरिएको सन्धिखर्क नगरपालिका वडा नं. ३ का वडा अध्यक्ष जमसेर मियाँले जानकारी दिए । मियाँको नेतृत्वमा उद्धार गरिएको थियो । मियाका अनुसार गोठ भत्किदाँ करिव ९ लाख बरावरको क्षेति भएको छ ।
