नविन रसाइली अर्घाखाँची । अर्घाखाँचीमा लागू औषध सहित तीन जनालाई प्रहरीले पक्राउ गरेको छ । सितगंगा नगरपालिका वडा नं. ८ सातमाराबाट उनिहरुलाई प्रहरीले पक्राउ गरेको हो ।
गत श्रावण ११ गते राति सितगंगा ८ सातमारा सुपादेउराली मन्दिरमा लागू औषध सेवन गरेका छन भन्ने विशेष सुचनाको आधारमा ईलाका प्रहरी कार्यालय ठाडा र अस्थायी प्रहरी चौकी सातमाराबाट खटिएको प्रहरी टोलीले दाङ राप्ती गाउँपालिका वडा नं. १ बस्ने २८ वर्षीय सन्तोष के.सी., २४ वर्षीय खुम बहादुर के.सी. र २२ वर्षीय रोशन श्रेष्ठलाई पक्राउ गरेको जिल्ला प्रहरी कार्यालय अर्घाखाँचीका सुचना अधिकारी तथा प्रहरी निरीक्षक अर्जुन पौडेलले जानकारी दिए ।
प्रहरीका अनुसार उनिहरुको खानतलासी गर्दा लागू औषध (ब्राउन सुगर) जस्तो देखिने खैरो गिलो पदार्थ ६० मिली ग्राम र लागू औषध सेवन गर्दा प्रयोग गरिने व्लेटको टुक्रा २ थान, सानो प्लेट १ थान र १ थान लाईटर समेत फेला परेको थियो ।
उनिहरुलाई लागू औषध मुद्धामा जिल्ला अदालत अर्घाखाँचीबाट ७ दिन म्याद थप गरि थप अनुसन्धान भइरहेको जिल्ला प्रहरी कार्यालय अर्घाखाँचीले जनाएको छ ।
