नविन रसाईली अर्घाखाँची । नेपाल पत्रकार महासंघ अर्घाखाँचीले सदस्यता शुद्धिकरण अभियान सुरु गरेको छ । महासंघ अर्घाखाँचीको जेठ ९ र १० गते बसेको पुर्ण बैठकले सदस्यता शुद्धिकरण अभियान सुरु गरेको हो ।
पत्रकारिता क्षेत्रमा सक्रिय नरहेका पत्रकार महासंघ अर्घाखाँचीका साधारण सदस्यहरुले सदस्यता त्याग गरेको घोषणा गरि शुद्धिकरण अभियानमा सहयोग गरिदिन आग्रह गरेको पत्रकार महासंघ अर्घाखाँचीका अध्यक्ष अशोक कुमार खनालले जानकारी दिए । खनालले स्वईच्छाले सदस्यता त्याग गर्ने सदस्यलाई विशेष सम्मान गरिने बताए ।
पत्रकार महासंंघ अर्घाखाँचीले सुचना निकालेर जेठ १७ गतेभित्र सदस्यता त्याग गर्न चाहनेले नेपाल पत्रकार महासंघ अर्घाखाँचीको कार्यालयमा उपस्थित भएर लिखित रुपमा वा arghakhanchifnj@gmail.com मा जानकारी गराउन सक्ने बताएको छ ।
अर्घाखाँचीमा राजनैतिक दलका नेता, व्यवसायी तथा कर्मचारीहरु पत्रकार महासंघका साधारण सदस्य छन् । अहिले जिल्लामा १२६ जना महासंघका साधारण सदस्य रहेका महासंघका कार्य समिति सदस्य सागर परियारले जानकारी दिए । हिजो पत्रकारिता क्षेत्रमा सक्रिय रहदाँ सदस्य लिएकोमा अहिलेसम्म त्याग नगरेकाले अहिले शुद्धिकरण अभियान चलाइएको परियारले बताए ।
