अर्घाखाँची । एसियन लाइफ इन्स्योरेन्स कम्पनी लिमिटेडको १५ वार्षिक उत्सव विभिन्न कार्यक्रम गरि मनाइएको छ । एसियन लाइफ इन्स्योरेन्स अर्घाखाँची उपशाखाले वार्षिकोत्सवको अवसरमा शैक्षिक सामाग्री, कपडा तथा राहत सामग्री वितरण गरि मनाएको अर्घाखाँची शाखा प्रमुख गोकर्ण न्यौपानेले जानकारी दिए ।
शाखाले “सामाजिक उत्तरदायीत्व कार्यक्रम” अन्तर्गत सन्धिखर्क नगरपालिका वडा नं. २ मा रहेको पाणिनी वेदआश्रमको हलमा गरिब बिपन्न बालबालिका, अपांग र बृद्धबृद्धालाई राहत तथा शैक्षिक सामाग्री वितरण गरिएको हो । सामाग्री वितरण कार्यक्रममा उपशाखा प्रमुख गोकर्ण न्यौपाने, अभिकर्ता बिज्नेस म्यानेजर हेमन्त बेल्बासे, नमराज बन्जाडे, शान्ता रायमाझी, समाजसेवी महेन्द पान्डे, श्रीधर भुसाल लगाएतको उपस्थिती रहेको थियो । कार्यक्रममा वेदाश्रमका प्राचार्य भेषराज चुदालीले एसियन लाइफलाई बिशेष आभार सहित धन्यबाद अर्पण गरेका थिए ।
