अर्घाखाँची । नेपाल निजामती कर्मचारी युनियनका केन्द्रीय उपमहासचिव ईन्दु शर्माले संघीय निजामती कर्मचारी ऐन ल्याउन आन्दोलन गर्नु पर्ने बताउनु भएको छ । नेपाल निजामती कर्मचारी युनियन अर्घाखाँचीले आयोजना गरेको अन्तरक्रिया भेटघाट कार्यक्रममा बोल्दै उपमहासचिव सर्माले कर्मचारीहरुको पेशागत सुरक्षा हक अधिकारका लागि कसैसँग नझुक्ने बताउदै कर्मचारीहरुको अधिकारका लागि युनियन डटेर मुकाबिला गर्ने बताउनु भयो ।
शर्माले सङ्घिय निजामती कर्मचारी ऐनका लागि काङ्ग्रेसको सरकार भएको बेला पनि आफूहरुले निकै पहल मिहिनेत गरेको बताउदै अब पनि त्यो ऐनका लागि सबै कर्मचारीहरु एकजुट भएर लाग्नु पर्नेमा जोड दिनु भएको थियोे ।
