अर्घाखाँची । अर्घाखाँची जिल्लाको शितगंगा नगरपालिका वडा नं. २ सितापुरका राम बहादुर भाटको भालुको आक्रमणमा परि मृत्यु भएको छ । ७९ वर्षिया भाट बुधबार बिहानै भाडा बनाउँन झिरा आउँने क्रममा शितगंगा– २ ओखारीमा भालुले झम्टिदा उनको मृत्युु भएको जानकारी प्राप्त भएको हो ।
भालुले झम्टेको नजिकैका स्थानीयले थाहा पाएपछि तत्काल घटनास्थल पुग्दा भालु सडकमै थियो । घटनास्थलमा स्थानीय जम्मा भएपछि भालु भागेको स्थानीयले बताए । घटनास्थलमा स्थानिय जनप्रतिनिधी, इलाका प्रहरी कार्यालय ठाडा सहित स्थानिय बासीन्दाहरु जुटेका छन् । स्थानिय बासिन्दामा भालुको त्रास रहेको छ ।
