गुल्मीमा भिरबाट लडेर एक महिलाको मृत्यु

गुल्मी । गुल्मी जिल्लाको धुर्कोट गाउँपालिका २ पिपलधारामा भिरबाट लडेर एक महिलाको मृत्यु भएको छ । मंगलबार दिउँसो घाँस काट्न हिडेकी ५२ वर्षिया शिवकला खनालको घर नजिकैको भिरबाट लडेर मृत्यु भएको जिल्ला प्रहरी कार्यालय गुल्मीले जनाएको छ ।

भिरबाट लडेको देखेपछि स्थानियले उद्धार गरे । उद्धार गरेको केहि समयमै ति महिलाको मृत्यु भएको एक स्थानियले बताए । खनाल भीरबाट करिब दुई सय मिटर तल खसेकी थिइन् । शवलाई पोस्टमार्टमको लागि गुल्मी अस्पताल ल्याउदै गरेको प्रहरी उपरिक्षक अर्जुन रानाभाटले जानकारी दिए ।