६ जेष्ठ २०८१, आइतवार
६ जेष्ठ २०८१, आइतवार

समाजवादी सहकारी संगठन नेपालको लुम्बिनी प्रदेश स्तरीय भेला सम्पन्न

Workplace

पाल्पा । समाजवादी सहकारी संथठन नेपालको लुम्बिनी प्रदेश स्तरीय भेला सम्पन्न भएको छ । सनिवार पाल्पाको तानसेनमा संगठनको भेला सम्पनन भएको हो । भेलाले विष्णु प्रसाद बरालको अध्यक्षतामा २१ सदस्य प्रदेश समिति गठन गरेको छ ।

जसको उपाध्यक्षमा कृष्णराज गैरे, सचिवमा सत्यमोहन सापकोटा, सहसचिवमा जीतबहादुर कार्की, कोषाध्यक्षमा बिमला अधिकारी रहेका छन् । यस्तै बैठकले विभिन्न जिल्ला संयोजक समेत तोकेको अध्यक्ष बरालले जानकारी दिए ।

कार्यक्रममा बोल्दै नेकपा एकीकृत समाजवादीका पोलिट्ब्युरो सदस्य सोमप्रसाद पाण्डेले सहकारीहरुले अब उत्पादन सँग जोडिने खालका निति ल्याउन आवश्यक रहेको बताए । पाण्डेले देशको अर्थतन्त्र धान्न सहकारीको पनि मुख्य भुमिका रहने बताउँदै देशका नागरिकलाई उत्पादन सँग जोड्न अनिवार्य रहेको बताए । समाजवादी सहकारी संगठनले लुम्बिनीमा रचनात्मक र सकारात्म काम गरोस् भन्ने शुभकामना समेत पाण्डेले दिए । पाण्डेले नवनिर्वाचित समितिका पदाधिकारी तथा सदस्यहरुलाई पद तथा गोपनियताको सपथ गराएका थिए ।

यस्तै कार्यक्रममा समाजवादी सहकारीका केन्द्रिय अध्यक्ष नवराज अर्यालले सहकारीको माध्यमबाट देशका नागरिकको जनजीविका परिर्वतन गर्न सकिने बताए । उनले सहकारीहरु नागरिकको हितमा लाग्नुपर्ने बताएका थिए । कार्यक्रम धरणिधर अधिकारीको अध्यक्षतामा सम्पन्न भएको थियो ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

spot_img
spot_img

सम्बन्धित खबर

- Advertisement -spot_img
spot_img

लाेकप्रिय

spot_img
spot_img

भर्खरै