नविन रसाईली अर्घाखाँची । अर्घाखाँची जिल्लाको सदरमुकाम सन्धिखर्कमा हुन लागेको पाँचौ अर्घाखाँची महोत्सवको तयारी पुरा भएको छ । आज पत्रकार सम्मेलन मार्फत महोत्सवको लगभग सबैजसो तयारी पुरा भएको आयोजकले जनाएको छ । नेपाल उद्योग वाणिज्य संघ र चेम्बर अफ कमर्स अर्घाखाँचीको संयुक्त आयोजनामा हुन लागेको अर्घाखाँची महोत्सव भलि बुधबार देखि सुरु हुँदै छ ।
महोत्सवको पुर्व उपप्रधानमन्त्री टोप बहादुर रायमाझीले उद्घाटन गर्ने उद्योग वाणिज्य संघ अर्घाखाँचीका अध्यक्ष तथा महोत्सव मुल आयोजक समितिका संयोजक प्रदिप मिश्रले जानकारी दिनुभयो । उहाँले महोत्सवमा करिव ४०० स्टलको रहेको बताउनुभयो ।
महोत्सवका मुख्य आर्कषक भनेका जिल्लामा उत्पादित कृषि र पर्यटन रहेको चेम्बर अफ कमर्सका अध्यक्ष अशोक श्रेष्ठले जानकारी दिए । श्रेष्ठले महोत्सवको प्रमुख उद्देश्य भनेको गच्छेघाट जानेबाटो निमार्ण रहेको बताउनुभयो ।
यस्तै महोत्सवको सहआयोजकहरुमा राष्ट्रिय लोक तथा दोहोरी गित प्रदिष्ठान अर्घाखाँची, होटल तथा रेष्टुरेन्ट व्यवसायी संघ अर्घाखाँची, युवा परिषद र नेपाल पत्रकार महासंघ अर्घाखाँची रहेका छन भने संरक्षकमा सन्धिखर्क नगरपालिका रहेको छ ।
