१६ फाल्गुन २०८०, बुधबार
१६ फाल्गुन २०८०, बुधबार

महिला राष्ट्रिय क्रिकेटको उपाधि जित्यो सुदूरपश्चिमले

Workplace

इटहरी : महिला राष्ट्रिय टी–२० क्रिकेट प्रतियोगिताको उपाधि सुदूरपश्चिम प्रदेशले हात पारेको छ। आज (शनिबार) भएको फाइनलमा प्रदेश १ लाई ६ विकेटले हराउँदै सुदूरपश्चिमले उपाधि कब्जा गरेको हो।

जितका लागि प्रदेश १ ले दिएको १०२ रनको लक्ष्य सुदूरपश्चिमले निर्धारित ओभरको एक बल अगावै ४ विकेट गुमाएर भेट्टायो। सुदूरपश्चिमको जितमा सम्झना खड्काले अविजित रहँदै सर्वाधिक २७ रनको योगदान गरिन्। डोली भट्टले २२ तथा कविता जोशीले अविजित १९ तथा कविता कुँवरले १२ रन जोडिन्।

त्यसअघि इटहरीको जनता क्रिकेट पार्कमा टस जितेर पहिले ब्याटिङ गरेको प्रदेश १ ले निर्धारित ओभरमा ५ विकेट गुमाएर १०१ रन बनाएको थियो। प्रदेश १ का लागि काजल श्रेष्ठले अविजित रहँदै सर्वाधिक ४८ रनको योगदान गरिन्। अप्सरी बेगम र कप्तान रुबिना क्षेत्रीले क्रमशः १५ र १४ रन जोडे।

बलिङतर्फ मनिषा चौधरीले सर्वाधिक २ विकेट लिँदा ऋतु कनोजियाले १ विकेट हात पारिन्। उपाधिसँगै सुदूरपश्चिम प्रदेशले ५ लाख नगद पुरस्कार हात पारेको छ भने उपविजेतामा सीमित प्रदेश १ ले ३ लाख रूपैयाँ नगद पुरस्कारमा चित्त बुझाएको छ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

spot_img
spot_img

सम्बन्धित खबर

- Advertisement -spot_img
spot_img

लाेकप्रिय

spot_img
spot_img

भर्खरै