नविन रसाईली अर्घाखाँची । अर्घाखाँची जिल्लाको सन्धिखर्कमा विपत सम्बन्धी डेमो प्रदर्शन गरिएको छ । मंगलबार सन्धिखर्कको टुडिखेल मैदानमा भुकम्प प्रकोप र आगलागी सम्बन्धी डेमो प्रदर्शन गरिएको थियो । भुकम्प दिवसको अवसरमा जिल्ला सुरक्षा निकायको आयोजनामा भुकम्पको डेमो प्रदर्शन गरिएको थियो ।
आज २५ औं राष्ट्रिय भुकम्प सुरक्षा दिवस । वि.स १९९० माघ २ गते दिउँसो २ः२४ बजेको समयमा नेपालमा भुकम्प गएको थियो । सोही भुकम्पको सम्झनामा रहेक वर्ष भुकम्पका बारेमा सचेतना गराउन यो दिवस मनाउदै आइएको छ । वि.स २०५५ सालदेखि माघ २ लाई राष्ट्रिय भुकम्प सुरक्षा दिवसका रुपमा मनाउन थालिएको हो । भुकम्प एउटा प्राकृतिक प्रकोप हो यसलाई रोक्न कसैले नसकेपनि यसबाट हुने सम्भावित जोखिमबाट भने जोगिन सकिन्छ । नेपालमा पटक पटक गएका सानाठुला भुकम्पका कारण धेरै धनजनाको क्षति भएको छ । वि.स १९९० र २०७२ सालको भुकम्पले देशमा सबैभन्दा धेरै क्षति ग¥यो ।
मानव निर्मित अव्यवस्थित भौतिक पुर्वाधार संरचनाका कारण प्रकोपमा परि धेरै धनजनको क्षेति हुने गरेको प्रमुख जिल्ला अधिकारी शसिधर घिमिरेले बताए । प्रकोपले आफै कसैको क्षेति नगर्ने बताउदै मानिसले बनाएका अव्यवस्थित र असुरक्षित संरचनाका कारण क्षेति हुँदै आएको बताए । ‘भुकम्प आउँदा सबैले साबधानी अपनाउनुपर्छ, भुकम्प आइहाले टेबल तथा खाटमुनी बस्ने काम गर्नुहुँदैन्, भौतिक संरचना भुकम्प प्रतिरोधात्मक बनाउनुपर्छ’ उनले भने ।
भुकम्पीय जोखिम न्युनिकरण, प्रतिकार्य, पुर्व तयारी तथा सुरक्षित भवन निमार्ण लगायतका विषयमा प्रभावकारी प्रचारप्रसार र जानकारीका लागि दिवसको अवसरमा सन्धिखर्कमा डेमो प्रदर्शन गरिएको सरोकारवालाले बताएका थिए ।
डेमो प्रदर्शनको अवलोकन गरेपछि प्राकृतिक प्रकोपको बारेमा धेरै जानकारी प्राप्त भएको गौरिशंकर स्कुलमा अध्ययन गर्ने छात्रा सुप्रिया शाहले बताइन । उनले भनिन ‘भुकम्प गइहाले सुरक्षा निकायको भुमिकाको बारेमा जानकार भयो, आगोलागी भएमा दमकललाई बोलाउनुपर्ने रहेछ, नआत्ति उद्दारमा लाग्नुपर्ने रहेछ ।’
