अर्घाखाँची । अर्घाखाँची जिल्लाको शितगंगा नगरपालिकामा डवल क्यापको ठक्करबाट एक जनाको मृत्यु भएको छ । मृत्यु हुनेमा शितगंगा नगरपालिका वडा नं. ४ का ज्ञान बहादुर नेपाली रहेका छन् ।
७० वर्षिय नेपालीलाई बिहिबार सन्धिखर्क गोरुसिङ्गे सडक खण्ड अन्तरगत भेडामारेबाट अमराई तर्फ आउदै गरेको लु ३ च ३३२० नम्बरको डबल क्यापले शितगंगा नगरपालिका वडा नम्बर ४ कोप्चेबासमा ठक्कर दिएको थियो । ठक्करपछि टाउको र घुडामा गहिरो चोट लागि घाईते भएका नेपालीको उपचारका क्रममा प्राथमिक स्वास्थ्य केन्द्र ठाडामा मृत्यु भएको ईलाका प्रहरी कार्यालय ठाडाका प्रहरी निरीक्षक होमनाथ रेग्मीले जाकारी दिए ।
ठक्कर दिने डबल क्याप र चालकलाई नियन्त्रणमा लिइ घटनाबारे अनुसन्धान भईरहेको इलाका प्रहरी कार्यालय ठाडाले जनाएको छ ।
