६ जेष्ठ २०८१, आइतवार
६ जेष्ठ २०८१, आइतवार

अर्घाखाँचीः तिन महिलाको हत्या गर्ने सिरियल किलर पक्राउ

Workplace

नविन रसाईली अर्घाखाँची । अर्घाखाँची जिल्लामा तिन महिलाको हत्या गर्ने भारतिय सिरियल किलर पक्राउ परेका छन् । तिन जिल्ला अर्घाखाँची, गुल्मि र कपिलवस्तुका तिन महिलाको हत्या गरेको आरोपमा भारतको गुडगाउँ हरियाणाका २३ वर्षीय सुशान्त सिंह र उनकी श्रीमतीलाई प्रहरीले पक्राउ गरेको हो ।

गएको पौष १७ गते बिहान करिब ९ः०० बजेको समयमा अर्घाखाँचीको शितगंगा नगरपालिका १० बहखोरकी ६० वर्षीया राधा थापाको सिंहले हत्या गरेका थिए । हत्या गरेर भाग्ने क्रममा सिंहलाई सोही दिन प्रहरीले जंगलमा पक्राउ गरेको थियो । पक्राउ पछि अनुशन्धानको क्रममा उनले श्रीमति सँग मिलेर योजना बनाइ हत्या गरेको बताएपछि प्रहरीले श्रीमति २२ वर्षीय शिवा परियारलाई पनि पक्राउ गरेको छ ।

यस अघि शिंहले गएको कात्तिकमा गुल्मीको इस्मा गाउँपालिका–५ की ७५ वर्षीया जीवकला थापा र गएको असोजमा कपिलवस्तुको विजयनगर गाउँपालिका–४ की ७० वर्षीया योगमाया गैरेको हत्या गरेको अनुशन्धानबाट खुलेको जिल्ला प्रहरी कार्यालय अर्घाखाँचीका प्रमुख प्रहरी नायव उपरिक्षक मुकुन्द प्रसाद रिजालले बताए ।

सिंह दम्पत्तिले श्रंखलाबद्ध रुपमा योजना बनाई महिलाहरुको हत्या गरेर गरगहना तथा नगत लट्न काम गर्दै आएको अनुसन्धानको क्रममा खुलेको छ । अनुसन्धानमा जो महिला घरमा एक्लै छन्, जो बृद्धा महिला छन्, जो सँग गहना तथा पैसा छ् त्यस्ता महिलाको हत्या गर्दै आएको पनि खुलेको छ ।

पक्राउ परेका सिंह दम्पितिलाई आइतबार जिल्ला प्रहरी कार्यालय अर्घाखाँचीले पत्रकार सम्मेलन गरि सार्वजनिक गरेको हो । उनिहरुको थप अनुसन्धान भइरहेको पनि प्रहरीले जनाएको छ ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (100%)
  • हाँस्यास्पद (0%)
  • आक्रोशित (0%)
तपाईको प्रतिक्रिया

spot_img
spot_img

सम्बन्धित खबर

- Advertisement -spot_img
spot_img

लाेकप्रिय

spot_img
spot_img

भर्खरै