गुल्मी । गुल्मी जिल्लाको रेसुंगा नगरपालिकामा रहेको रेसुंगा विमानस्थलमा तारा एयरले डेमो उडान गरेकोे छ । आइतबार दिउँसो करिब १२ बजे रेसुंगा विमानस्थलमा तारा एयरले डेमो उडान गरि अवतरण गरेको हो ।
डेमो उडानको लागि आएको तारा एयरको जहाजमा गुल्मी क्षेत्र नं. १ बाट निर्वाचित प्रतिनिधि सभा सदस्य डा. चन्द्र भण्डारी, पुर्व शहरी विकास मन्त्री रामकुमारी झाक्री अवतरण गरेका थिए । आज डेमो उडान पछि त्यस विमानस्थलको जाँच गरेर मात्र नियमित उडान कहिलेदखि सुरु हुने भन्नेबारे भन्न सकिने बताइएको छ ।
गुल्मीको रेसुंगा विमानस्थल निर्माणको शिलान्यास २०६३ सालमा तत्कालीन पर्यटन मन्त्री प्रदीप कुमार ज्ञवालीले गरेका थिए तर लामो समय सम्म कामको सुरु नै भएन । २०७२ सालबाट मात्रै औपचारिक रुपमा विमानस्थल निर्माणको काम सुरु भएको थियो । यस अघि विमानस्थलमा धुले उडान गरिएको थियो ।
