१० फाल्गुन २०८०, बिहिबार
१० फाल्गुन २०८०, बिहिबार

अर्घाखाँचीः महिलाको हत्या गरि भागेका भारतीय नागरिक पक्राउ

Workplace

अर्घाखाँची । यहि पौष १७ गते अर्घाखाँची जिल्ला शितगंगा नगरपालिका वडा नंं १० सिद्धारा, बहखोरकी राधा थापा सधै झै बिहान नजिकैको डुम्रीपाटा गाउँमा दुध लिन हिडिन् । उनले गाउँमै सानो होटल व्यवसाय संचालन गरेकोले चिया बनाउन दुध आवश्यक पथ्र्याे । थापाको सधै बिहानमा दुध लिन जाने दैनिकी बनेको थियो । सदा सवेरै दुध लिएर फर्कने राधा त्यस दिन ९ बजेसम्म फर्किनन् ।

अवेरसम्म पसल नखुल्दा स्थानिय तथा आफन्तले खोजी गर्न फोन गरे तर राधा दुध लिने ठाउँमा नपुगेको भन्ने खबर पाएपछि उनिहरुले बोटोमा खोज्दै गए । खोज्दै जाँदा बाटो भन्दा करिव १५ मिटर तल खोल्सामा मृत फेला पारे । स्थानियले मृत अवस्थामा भेटेपछी तुरुन्तै प्रहरीलाई खबर गरे ।

घटनास्थलमा प्रहरी टोली पुगेर मृतक लाशको अवस्था हेर्दा हत्या भएको हुन सक्ने आशंका ग¥यो । मृतक महिलाको टाउकोमा गहिरो चोट लागेको देखियो । आशंका पछि प्रहरीले अनुसन्धानलाई अघि बढायो । अनुसन्धान गर्दै जाँदा सोही दिन दिउँसो करिव २ः३० बजेको समयमा सितगंगाको मुन्द्रिवास जंगलमा हत्या गरेर भागी लुकिछिपि बसेको अवस्थामा भारतीय नागरिक २३ वर्षीय सुशान्त सिंहलाई प्रहरीले पक्राउ ग¥यो ।

प्रक्राउ पछि सोधपुछ गर्दा गहना लुट्नको लागि हत्या गरेको अनुसन्धानमा खुलेको जानकारी प्राप्त भएको छ । ‘मेरो बिवाह मृतक महिलाको घर नजिकै भएको छ, म ससुराली आउँदा महिलाले धेरै गहना लगाएको देखेको थिए, पौष १६ गते लुट्ने योजना बनाई म ससुरालीमा बस्न आए, ससुराली एकान्तमा थियो, अर्को दिन बिहान करिव ५ः३० बजेको समयमा उठेर महिला दुध लिन जाने बाटोको जंगलको खोल्सामा कुरेर बसे, महिला दुध लिन गएको अवस्थामा पछाडीबाट ढुंगाले, र हसियाले हाने ।’ अनुसन्धानको क्रममा भनेका छन् ।

सिंहले ६० वर्षिया राधा थापाको शरीरबाट कानमा लगाउने मडहरी, सिक्री लगायतका सुनका गरगहना लुटेर लगेको स्थानीय माधव पौडेलले बताए । सिंहलाई जिल्ला अदालत अर्घाखाँचीबाट सात दिनको म्याद थप गरी अनुसन्धान भइरहेको जिल्ला प्रहरी कार्यालयका प्रमुख प्रहरी नायव उपरीक्षक मुकुन्द प्रसाद रिजालले बताए ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (50%)
  • अचम्मित (25%)
  • हाँस्यास्पद (0%)
  • आक्रोशित (25%)
तपाईको प्रतिक्रिया

spot_img
spot_img

सम्बन्धित खबर

- Advertisement -spot_img
spot_img

लाेकप्रिय

spot_img
spot_img

भर्खरै