नवीन रसाइली अर्घाखाँची । अर्घाखाँची जिल्लाको मालारानी गाउँपालिका वडा नं. डाँडाखर्कको एक गोठमा आगलागी भएको छ । गएराति करिब ११ बजेको समयमा डाँडाखर्क सीता अधिकारीको गोठमा आगलागी भएको हो ।
आगलागीमा भैसी र तीन वटा बाख्रा मरेका छन् भने गोठमा भएका दाउरा, घाँस लगायतका सामाग्री जलेर नष्ट भएको स्थानीय जनार्दन अधिकारीले जानकारी दिए । अधिकारीका अनुसार आगलागी हुँदा कति बराबरको क्षति भयो भन्नेबारे अझै यकिन भइसकेको छैन ।
आगलागी रातको ११ बजे भएको थियो भने प्रहरी र स्थानीयको सहयोगमा बिहान ३ बजे नियन्त्रणमा लिएको जानकारी प्राप्त भएको छ । के कारणले आगो लाग्यो भन्नेबारे अझै जानकारी आएको छैन ।
हिजो बिहान पानी तताएको आगो रहदा बलुका त्यहीँ सल्केर लाग्न सक्ने प्रारम्भिक अनुमान गरिएको छ । गोठको छानो खरको थियो ।
हिउँदको समय भएकाले सबैले आगो बालेपछि राम्रोसँग निभाउन अनुरोध छ ।
