अराज बेल्बासे, अर्घाखाँची ।
शितगंगा नगरपालिकाले कोभिड सक्रमणका कारण घरका सदस्य गुमाएका हरुलाई आर्थिक सहयोग उपलब्ध गराएको छ । कोरोना महामारीका बिच ज्यान गुमाउन बाध्य भएका परिवारका सदस्यलाई नगरपालिकाले आज राहत स्वरुप प्रति परिवार ५० हजार सहयोग गरेको हो । शितगंगा नगरपालिकामा २१ जनाले कोरोनाका कारण ज्यान गमाएका थिए ।
राहत बितरण गर्दै नगर उपप्रमुख टिका रेस्मिले बिश्वभरी महामारीले पारेको पिडाबाट बच्ने प्रयास धेरै गरे पनि शितगंगामा पनि भएका घटना प्रति दुख ब्यत्त गर्नु भयो ।
पिडालाइ शाहसमा परिणत गरे हिम्मत जुटाउन पिडितलाई आग्रह गर्नु भयो । यस्तै नगरप्रमुख सुर्य प्रसाद अधिकारीले नगरवासीको पिडामा महल्म लगाउने प्रयास अनुसार यो सहयोग उपलब्ध गराएको बताउदै प्रदेश सरकार केन्द्र सरकार सँग समेत सहयोगका लागि आग्रह गरिरहेको बताउनु भयो । शितगंगा नगरपालिकाले कोरोनाका कारण ज्यान गुमाएक परिवारलाई ५० हजार राहत दिने निर्णय गरे बमोजिम राहत बितरण गरिएको प्रमुख प्रशासकीय अधिकृत प्रेम केसीले जानकारी दिनु भयो । कार्यक्रम कृष्ण पौडेललको सञ्चालनमा सम्पन्न भएको थियो ।
