समाचार सारांश
Auto Generated by AI
- उद्योग मन्त्रालयले सुरक्षा निकायमार्फत खाना पकाउने ग्यास बिक्री वितरण गराउने तयारी गरेको छ ।
- ग्यास वितरणमा भइरहेको असहजता हटाउन सेना, प्रहरी र सशस्त्र प्रहरीका आउटलेट प्रयोग गरिनेछन् ।
- बजारमा देखिएको ग्यासको अभावलाई ध्यानमा राखेर सरकारले यो व्यवस्था मिलाउन लागेको हो ।
काठमाण्डौ – उद्योग, वाणिज्य तथा आपूर्ति मन्त्रालयका सचिव रुद्रसिंह तामाङले सुरक्षा निकायलाई पनि खाना पकाउने ग्यासको बिक्री वितरण गर्न अनुमति दिन लागेको जानकारी दिनुभएको छ ।
विकास आर्थिक मामिला तथा सुशासन समितिद्वारा ‘दैनिक उपभोग्य वस्तुहरूको सहज आपूर्ति व्यवस्थापन र अनुगमन’ विषयक कार्यक्रममा उहाँले ग्यास वितरणमा असहज परेको अहिलेको समयमा सुरक्षा निकायबाट वितरणमा सहज हुने गरी व्यवस्था मिलाउन लागिएको बताउनुभयो ।
सेना, प्रहरी र सशस्त्र प्रहरी बललगायतका सुरक्षा निकायले अहिले पेट्रोलियम पदार्थको बिक्री वितरण गर्दै आइरहेका छन् । यी सुरक्षा निकायको आउटलेटबाट ग्यास पनि वितरण गर्न सके धेरै सहज हुने सचिव तामाङले बताउनुभएको छ ।
उहाँले खाना पकाउने ग्यासको अभावलाई मध्यनजर गरी त्यससम्बन्धी आवश्यक प्रबन्ध मिलाउन लागेको बताउनुभयो ।
