समाचार सारांश
Auto Generated by AI
- हरितालिका तीजका दिन नेप्से परिसूचक २५.५५ अङ्कले बढेर २ हजार ५८५ विन्दुमा पुगेको छ।
- फाइनान्स र निर्जीवन बीमा समूहमा उच्च वृद्धि देखिँदा अधिकांश कम्पनीको शेयर मूल्य बढेको छ।
- कारोबार रकममा पनि सुधार आएको छ र आज ४ अर्ब ६८ करोड रुपैयाँ बराबरको शेयर किनबेच भएको छ।
काठमाण्डाै – हरितालिका तीजको दिन आज शेयर बजार दोहोरो अङ्कले बढेको छ । शेयर बजार परिसूचक नेप्से २५.५५ अङ्कले बढेर २ हजार ५८५ विन्दुमा पुगेको छ ।
आज म्युचल फन्ड बाहेक सबै समूहको उपसूचक बढेकोमा फाइनान्स, निर्जीवन बीमा समूह डेढ प्रतिशतले उकालो लागेको छ ।
आज २२६ वटा कम्पनीको शेयर बढेकोमा ४७ वटाको घटेको छ । यस्तै माईखोला हाइड्रोपावर र नारायणी विकास बैंकको शेयर भने घटबढ भएको छैन ।
आज इन्फिनिटी लघुवित्त र त्रिशूली जलविद्युत्को शेयर ६ प्रतिशतभन्दा धेरैले बढेको छ । समग्रमा बजार उकालो लागेको दिन उपकार लघुवित्तको शेयर ८ प्रतिशतभन्दा धेरैले घटेको छ ।
आज नेप्सेसँगै कारोबार रकम पनि बढेको छ । गएको शुक्रवार ४ अर्ब ३६ करोडको कारोबार भएकोमा आज ३३६ वटा कम्पनीका १ करोड १५ लाख कित्ता शेयर ४ अर्ब ६८ करोड रुपैयाँमा किनबेच भएको छ ।
