समाचार सारांश
Auto Generated by AI
- मुगुको कालै आसपास केन्द्रबिन्दु बनाएर दुई पटक भूकम्प गएको छ।
- गएराति र आज बिहान ४.५ र ४.२ म्याग्निच्यूडका धक्का महसुस गरिएका हुन्।
- भूकम्पबाट हालसम्म कुनै पनि क्षति भएको विवरण प्राप्त भएको छैन।
काठमाण्डाै – मुगुको कालै क्षेत्र आसपास केन्द्रबिन्दु भएर गएराति र आज बिहान गरी दुई पटक भूकम्प गएको छ ।
राष्ट्रिय भूकम्प मापन तथा अनुसन्धान केन्द्रका अनुसार गएराति १ बजेर ५१ मिनेटमा ४.५ म्याग्निच्यूडको भूकम्प गएको हो । त्यसैगरी, बिहान ४ बजेर २८ मिनेटमा ४.२ म्याग्निच्यूडको अर्को भूकम्प गएको केन्द्रले जनाएको छ ।
दुवै भूकम्पको केन्द्रबिन्दु कालै आसपास रहेको केन्द्रले जनाएको छ ।
तीन घण्टाभित्रै दुई पटक भूकम्पको धक्का महसुश गरिए पनि त्यसबाट भएको क्षतिबारे तत्काल कुनै विवरण प्राप्त भएको छैन ।
