लक्ष्मण घिमिरे अर्घाखाँची । भुमिकास्थान नगरपालिका वडा नम्बर–१०, धनचौरमा भेटिएको शव प्युठानका पुरुषको भएको खुलेको छ । प्युठानको गौमुखी गाउँपालिका वडा नम्बर–४ का २८ वर्षिय कुशल केसी धनचौरको पाकुमा मृत भेटिएको जिल्ला प्रहरी कार्यालयका प्रमुख प्रहरी नायव उपरिक्षक अमर थापाले जानकारी दिए ।
उनी स्काभेटरमा अपरेटरको काम गर्थे । यही साउन १५ गतेदेखी उनी सम्पर्क विहिन थिए । आज शव भेटिएपछी उनको पहिचान भएको हो । शरिरमा बाहिरी चोट नभएकाले पोस्टमार्टम पछी थप कुरा खुल्ने प्रहरीले जनाएको छ ।
घटनाको थप अनुसन्धान पनि भईरहेको छ । पाणिनी गाउँपालिकाको हत्याकाण्ड सेलाउन नपाउँदै यो अर्को शव धनचौरमा फेला परेको हो ।
अर्घाखाँची पाेष्ट
