नविन रसाइली अर्घाखाँची । बैशाख ३० गते हुने स्थानिय तह चुनावका लागि माग गरिएको म्यादी प्रहरीको छनोट प्रक्रिया सुरु भएको छ । अर्घाखाँचीमा पनि म्यादी प्रहरी छनोट प्रक्रिया आजदेखि सुरु भएको हो ।
म्यादी प्रहरी छनोट प्रक्रिया अन्तर्गत १५ र १६ गते शारीरिक परिक्षा रहेको जिल्ला प्रहरी कार्यालय अर्घाखाँचीले जनाएको छ । आज मंगलबार शारीरिक परिक्षामा १ देखि १२०० सम्म र बुधबार १२०१ देखि २१३५ सम्म दर्ता नम्बर भएकाले शारिरीक परिक्षा दिने जिल्ला प्रहरी कार्यालय अर्घाखाँचीले जनाएको छ । कार्यालयका अनुसार १८ गते लिखित परिक्षा हुँदै छ ।
अर्घाखाँचीमा ८ सय ८२ जना म्यादी प्रहरी माग गरिएकोमा झण्डै २ हजार १ सय ३५ जनाले आवेदन दिएको जिल्ला प्रहरी कार्यालय अर्घाखाँचीका प्रहरी नायव उपरिक्षक अमर बहादुुर थापाले जानकारी दिए । उनका अनुसार करिव ४०० महिला, २० भन्दा बढि पुर्व प्रहरी एवं सेना तथा १५० बढी पुर्व म्यादी प्रहरी रहेका जानकारी दिए ।
छनोट प्रक्रिया पछि छनोट भएका म्यादी प्रहरीलाई चैत २८ गते देखि करिव १० दिन तालिम दिइने छ भने म्यादी प्रहरी ४० दिन काममा खटिने छन् ।
