१० कात्तिक २०८० काठमाडौं । प्रधानमन्त्री पुष्पकमल दाहाल प्रचण्ड र प्रमुख प्रतिपक्ष दल नेकपा एमालेका अध्यक्ष केपी शर्मा ओलीबीच भेटवार्ता भएको छ ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा प्रधानमन्त्री प्रचण्ड र अध्यक्ष ओलीबीच भएको भेटमा संयुक्त राष्ट्रसंघका महासचिव एन्टिनियो गुटेरेसको नेपाल भ्रमण, चालु संसद् अधिवेशन अन्त्य गर्ने र समसामयिक विषयमा छलफल भएको जनाइएको छ ।
कात्तिक १२ गते नेपाल आउन लागेका महासचिव गुटरेसले १४ गते संघीय सदनको संयुक्त बैठकलाई सम्बोधन गर्ने तालिका छ ।
गुटरेसको सम्बोधनपछि चालु संसद् अधिवेशन अन्त्य गर्ने तयारी रहेको संसद् सचिवालयले जनाएको छ ।
