कञ्चनपुर ।
गैरआवासीय नेपाली संघ (एनआरएनए)ले बाढीले पीडित परिवार लाई राहत सामग्री हस्तान्तरण गरेको छ ।
कञ्चनपुर जिल्ला महाकाली नदीमा आएको बाढीले विस्थापित भिमदत्त नगरपालिका र दोधारा चाँदनी नगरपालिकाका अति प्रभावित ३०१ घरधुरीलाई गैरआवासीय नेपाली संघ (एनआरएनए)बाट राहत सामग्री हस्तान्तरण गरिएको हो ।
एनआरएनए संघका अध्यक्ष कुमार पन्तले प्रभावित क्षेत्रमा पुगेर प्रतिपरिवार ५० किलो चामल, ३ लिटर खाने तेल, ५ किलो दाल, , ३ किलो नुन, ५ किलो प्याज, १ थान त्रिपाल, २ थान म्याट, २ थान ब्लङकेट, आधा किलो मसला को प्याकेट, १ थान बाल्टी, ५ किलो आलु,१ थान जग, दैनिक प्रयोग हुने लत्ताकपडा र छाता वितरण गरेको थियो।
कार्यक्रममा नेपाल पत्रकार महासंघ दक्षिण कोरियाका अध्यक्ष रन्जन राज कुँवर लगाएको उपस्थिति रहेको थियो ।
