आज काठमाण्डाैमा नेकपा (एकीकृत समाजवादी) को राष्ट्रिय महाधिवेशनलाई सम्बोधन गर्दै गृहमन्त्री लामिछानेले देश अप्ठेराेमा छ भन्ने कुरा २००७ सालदेखि भन्दै आएको बताउँदै देश कहिल्यै पनि अनुकूलतामा नहुने कुरा स्पष्ट भएको उल्लेख गर्नुभयाे ।
उहाँले भन्नुभयो, ‘देश त सधैँ खतरामा हुने रहेछ । परिस्थिति त कहिल्यै अनुकूल हुने रहेनछ । जब आमनागरिक र नेतृत्वको प्राथमिकतामा फरक आउँछ तब देश जहिले पनि अप्ठेरोमा पर्छ । नेपालमा आमनागरिककाे प्राथमिकता र नेतृत्वको प्राथमिकता एउटै भएन ।’
गृहमन्त्री लामिछानेले नेताहरूले देश बनाउने कुरामा चिन्ता गर्न आवश्यक रहेको बताउनुभयो । नेताहरूले साँच्चिकै चिन्ता गर्ने हाे भने नागरिकका मुद्दामा सर्वदलीय बैठक बाेलाएर छलफल गर्नुपर्ने उहाँकाे भनाइ थियाे
