काठमाण्डाै – तनहुँको आँबुखैरेनी गाउँपालिका–१ गिरौनचोरमा आज बिहान जन्ती बोकेको जीप दुर्घटना हुँदा दुई जनाको ज्यान गएको छ । १६ जना घाइते भएका छन् ।
तनहुँको व्यास नगरपालिकाबाट जन्ती लिएर आँबुखैरेनीका लागि छुटेको बा १८ च ५९२१ नम्बरको जीप बरादी–हिलेखर्कको भित्री सडक खण्डमा दुर्घटना भएको हो ।
दुर्घटनामा ७२ वर्षका आशवीर गुरुङ र १७ वर्षकी तुलसी गुरुङको ज्यान गएको जिल्ला प्रहरी कार्यालय तनहुँका प्रहरी नायब उपरीक्षक मोहनबहादुर खाणले जानकारी दिनुभयो ।
घाइतेहरुको चितवनको पुरानो मेडिकल कलेजमा उपचार भइरहेको उहाँले बताउनु भयो ।
