पदम गैरे पाल्पा पाल्पा जिल्ला ट्राफिक प्रहरी कार्याल पाल्पाले “जहाँ मार्किङ, त्यहाँ पार्किङ” अभियान सुरु गरेको छ । तानसेन नगरपालिकाको आर्थिक सहयोगमा ट्राफिक प्रहरीले अभियान सुरु गरेको हो ।
पैदल यात्रीलाई सहज रुपमा सडक पार गर्न सक्ने बनाउन र अव्यवस्थित बजार क्षेत्रको पार्किङलाई व्यवस्थित बनाउनका लागि अभियान सुरु गरिएको जिल्ला ट्राफिक प्रहरी कार्याल पाल्पाका प्रमुख राजकुमार चापागाईंले जानकारी दिनुभयो ।
अभियान अन्तरगत सिद्धार्थ राजमार्गमा पर्ने बर्तुङ चोकको पोखरातर्फ जाने जाने सडक, बुटवल तर्फ जाने सडक र तानसेन तर्फ आउने सडकमा जेब्रा क्रस तयार गरिएको छ । पाल्पाका प्रहरी प्रमुख हेरम्ब शर्मा, तानसेन २ नं. वडाका वडाध्यक्ष महेश्वर श्रेष्ठ, यातायात व्यवस्था सेवा कार्यालयका प्रमुख दीपक घिमिरेलगायतको उपस्थितिमा जेब्रा क्रस तयार गर्ने काम भएको ट्राफिक प्रहरी प्रमुख चापागाईंले बताउनुभयो ।
मंगलबारदेखि सुरु भएको अभियानमा बजार क्षेत्रमा पार्किङको लागि मार्किङ गरिने छ । मार्किङ गरिएको स्थान बाहेक अन्यन्त्र सवारी साधन पार्किङ गरेको खण्डमा दरिवान हुने छ । अभियान आवश्यकता अनुसार सबै बजार क्षेत्रमा पुग्ने लक्ष्य छ । हालका लागि बर्तु«ङ चोक, तानसेन बजारका विभिन्न स्थान र मिसन अस्पताल क्षेत्रमा केन्द्रीत गरिने ट्राफिक प्रहरीले जनाएको छ ।
