प्रकाश न्यौपाने । प्युठान । झिमरुक गाउँपालिकामा आँखा शिविर सम्पन्न भएको छ । नेपाल नेत्र ज्योति संघ प्रस्ताबित नरेन्द्र गायत्री आँखा अस्पताल बिजुवार प्युठानको आयोजना र झिम्रुक गाउपालिकाको समन्वयमा आँखा शिविर संचालन मसिर १६ गते शिबिर सम्पन्न भएको छ । नि:शुल्क आँखा शिविरमा २ सय २३ जना आँखाका विरामीले सेवा लिएका छन् । सोमबार भएको शिविरमा ९२ महिला, १ सय ३१ पुरुष गरी २ सय २३ जना आँखाका रोगीले सेवा लिएको नेपाल नेत्र ज्योति संघ प्रस्ताबित नरेन्द्र गायत्री आँखा अस्पताल बिजुवारले जनाएको छ ।
निशुल्क सेवा लिएका मध्ये १६ जनामा आँखाको मोतीविन्दु देखिएको नेपाल नेत्र ज्योति संघ प्रस्ताबित नरेन्द्र गायत्री आँखा अस्पताल बिजुवारकी प्रमुख लक्ष्मी मल्ल ठकुरीले जानकारी दिनु भएको छ । मल्लका अनुसार ८३ जनालाई निशुल्क रुपमा चेक जाँच गरि औषधी समेत वितरण गरिएको छ ।
निशुल्क शिविरमा चेकजाँच गराईएका बिरामी मध्ये १६ जनालाई नेपाल नेत्र ज्योति संघ प्रस्ताबित नरेन्द्र गायत्री आँखा अस्पताल बिजुवार प्युठानमा पुस १९ गते आँखाको शल्यक्रियाको लागि बोलाईएको नेपाल नेत्र ज्योति संघ प्रस्ताबित नरेन्द्र गायत्री आँखा अस्पताल बिजुवारले जनाएको छ ।
