गोपाल भट्टराई अर्घाखाँची ।प्रशासनिक क्षेत्रमा संघियताको पूर्ण कार्यान्वयन नभएको भन्दै नेपाल निजामती कर्मचारी संगठन अर्घाखाँचीले संविधानको मर्म अनुरुप संघियताको पूर्ण कार्यान्वयन गर्न माग गरेको छ । संविधान जारी भएको ८ बर्ष पुगिसक्दा समेत संघीय निजामती सेवा ऐन जारी नहुनु, लुम्बिनी प्रदेशले प्रदेश निजामती सेवा ऐन ल्याएपनि राजपत्रमा प्रकाशन नगर्नु र स्थानीय सेवा ऐन जारी नगर्नुले संविधानलाई नै गिज्याएको भन्दै नेपाल निजामती कर्मचारी संगठन अर्घाखाँचीले तिनवटै सरकारलाई निजामती सेवा ऐन जारी गरि कार्यान्वयन गर्न माग गरेको हो । नेपाल निजामती कर्मचारी संगठन अर्घाखाँचीका अध्यक्ष गणेश प्रसाद भण्डारी र सचिव पशुपती खनाल ले आज एक प्रेस विज्ञप्ती जारी गर्दै सरकारसंग यस्तो माग गर्नुभएको हो । मुलुकमा उपलब्ध व्यवस्था परिवर्तनमा निजामति क्षेत्रको योगदान अतुलनिय भएपनि सरकारले ऐन जारी र कार्यान्वयन नगर्दा कर्मचारीको अवमुल्यन भएको संगठनको आरोप छ । राजनैतिक रुपमा स्थापित संघीयतालाई प्रशासनिक रुपमा लागुगर्न नसक्नु बिडम्बना भएको भन्दै विज्ञप्तीमा भनिएको छ । संघिय,प्रदेश र स्थानिय ऐन तत्काल जारी गरियोस् ।
