कैलालीमा प्रधानमन्त्रीलाई कालो झण्डा

कैलालीमा प्रधानमन्त्री पुष्पकमल दाहाल प्रचण्डलाई एक समूहले कालो झण्डा देखाएको छ । कालो झण्डा देखाउने समूह क्रान्तिकारी कम्युनिस्ट पार्टीका सदस्य रहेको खुलेको छ । 

प्रधानमन्त्री लम्किचुहा नगरपालिकाको भवन शिलान्यास गरेर धनगढी फर्किने क्रममा मसुरियामा कालो झण्डा देखाइएको हो ।

व्याख्यात्मक टिप्पणीको नाममा राष्ट्रघाती सम्झौता एमसिसी सम्झौता पास गरेको भन्दै प्रचण्डलाई कालो झण्डा देखाएको सो पार्टीले जनाएको छ ।

प्रधानमन्त्री प्रचण्डले धनगढीमा हुने समाजवादी मोर्चाको भेलालाई सम्बोधन गर्नेछन् ।