अर्घाखाँची । अर्घाखाँचीमा विपद्संग सम्बन्धित कृत्रिम घटना अभ्यास तथा तालीम सम्पन्न भएको छ । जिल्ला प्रशासन कार्यलय अर्घाखाँचीको आयोजनामा बिपत सग सम्बन्धित कृत्रिम घटना अभ्यास तथा तालीम एक कार्यक्रमक बिच सम्पन्न भएको हो ।
कार्यक्रममा आगोलागी नियन्त्रण त्यस्को रोकथाम जनप्रतिनिधिहरुको भुमिका, शुरक्षाकर्मी, रेडक्रस , एम्बुलेन्स तथा दमकल हरुको माध्यम बाट आगो नियन्त्रण, ग्यास रेगुलेटरबाट निस्कने आगोलाई कसरी नियन्त्रण गर्ने भन्ने डेमो प्रदर्शन गरिएको थियो ।
प्रमुख जिल्ला अधिकारी शशिधर घिमिरेको अध्यक्षता, सन्धिखर्क नगरपालिकाका नगरउपप्रमुख ठाकुर कुमार बिकको प्रमुख आतिथ्यता र सहायक प्रमुख जिल्ला अधिकारी बिनोद खनालको संचालनमा सम्पन्न कार्यक्रममा जिल्ला स्थित शुरक्षा निकायका प्रमुखहरु विभिन्न कार्यालयका प्रमुख तथा प्रतिनिधि स्थानीय जनसमुदाय तथा संचारकर्मीहरुको उपस्थित रहेको थियो ।
