बिष्णु खनाल, अर्घाखाँची ।
मालारानी गाउँपालिकामा सुविधा सम्पन्न अस्पताल बन्ने भएको छ । गाउँपालिकाको केन्द्र खनदह बजार नजिक १५ बेडसहितको अस्पताल भवन निर्माणको पालिका अध्यक्ष बालकृष्ण शर्मा आचार्यले पुजापाठ गरि शुभारम्भ गरे । अस्पताल बन्ने भएपछी पालिकावासी खुसी भएका छन् ।
गाउँपालिकाको १८ करोड (भ्याट सहित) मा डाँफे अम्मर जेवि प्रा.लि.ले निर्माणको जिम्मा लिएको छ । भवन निर्माण आर्थिक वर्ष २०७९/०८० सम्ममा सम्पन्न गर्ने लक्ष्य गाउँपालिकाले लिएको छ ।
अस्पताल भवन निर्माण सम्पन्न भएपछी विशेषज्ञ डाक्टरसहितको सेवा दिईनेछ । गाउँपालिकाले पालिकाभित्रको एक जना जेहेन्दार तथा गरिव परिवारका विद्यार्थीलाई एमविविएस डाक्टर अध्ययन गर्न आर्थिक सहयोग गरेको र एमविविएस उत्तीर्ण गरिसकेपछी ५ वर्षसम्म सोही अस्पतालमा सेवा सुविधा सहित काम गर्ने पालिका अध्यक्ष आचार्यले बताए ।
अस्पताल भवन निर्माण कार्य शुभारम्भ कार्यक्रममा पालिका अध्यक्ष बालकृष्ण शर्मा आचार्य, उपाध्यक्ष प्रमिला क्षेत्री, ३ का वडाध्यक्ष शोभाखर खनाल, निर्माण व्यवसायी वसन्त भुसाल, पालिकाका कर्मचारी, स्थानियहरुको सहभगिता रहेको थियो ।
