समाचार सारांश
Auto Generated by AI
- आज, भोलि र पर्सि देशका धेरै ठाउँमा मौसम सामान्यतया सफा रहनेछ।
- भाइटीकाको दिन पनि मौसम घमाइलो हुने जल तथा मौसम पूर्वानुमान महाशाखाले जनाएको छ।
- केही हिमाली तथा पहाडी भूभागमा भने छिटपुट वर्षा र हिमपातको सम्भावना छ।
काठमाण्डौ – आज, भोलि र पर्सिसम्म देशका धेरै ठाउँको मौसम सफा रहने जल तथा मौसम पूर्वानुमान महाशाखाले जनाएको छ । पश्चिमी वायुको आंशिक प्रभावका कारण थोरै ठाउँमा मात्रै छिटपुट वर्षा र हिमपातको सम्भावना छ ।
आज देशका हिमाली तथा पहाडी क्षेत्रमा आंशिक बदली छ । हिमाली एक/दुई ठाउँमा हल्का वर्षा तथा हिमपातको सम्भावना रहेको महाशाखाले जनाएको छ । तराई, उपत्यका तथा खोँचमा बिहानपख थोरै ठाउँमा हुस्सु/कुहिरो लागेको छ ।
भोलि भाइटीकाका दिन पनि मौसम घमाइलो हुनेछ । हिमाली थोरै ठाउँमा हिमपात तथा पहाडी एक/दुई ठाउँमा हल्का वर्षाको सम्भावना रहेको महाशाखाले जनाएको छ ।
पर्सि २६ गते बिहीबार देशका हिमाली तथा पहाडी क्षेत्रमा आंशिक बादल लाग्नेछ भने तराईमा मौसम मुख्यतया सफा रहने अनुमान छ ।
