काठमाण्डौ – आउँदो फागुन २१ गते तय भएको प्रतिनिधिसभा चुनाव अन्तर्गत समानुपातिक निर्वाचन प्रणाली अन्तर्गतको मतपत्र छपाइ शुरू गर्न लागिएको निर्वाचन आयोगले जनाएको छ ।
आयोगका प्रवक्ता नारायणप्रसाद भट्टराईले फागुन १० गतेसम्म सबै जिल्लामा मतपत्रलगायत चुनावका लागि आवश्यक सामग्री पुर्याउने गरी काम गर्नेक्रममा समानुपातिकतर्फको मतपत्र छपाइ शुरू गर्न लागिएको जानकारी गराउनुभएको हो । समानुपातिकतर्फको मतपत्र सबै जिल्ला र निर्वाचन क्षेत्रमा एकै प्रकारको हुने भएकाले छपाइ शुरू गर्न लागिएको उहाँको भनाइ छ ।
प्रत्यक्षतर्फको मनोनयन भने आउँदो माघ ६ गते तोकिएको छ । प्रत्यक्षतर्फ हरेक निर्वाचन क्षेत्रमा फरक मतपत्र चाहिने हुँदा माघ ९ गतेपछि मात्र छपाइ शुरू गरिने प्रवक्ता भट्टराईले बताउनुभयो । दुवै निर्वाचन प्रणालीलाई गरी चार करोड मतपत्र छाप्न लागिएको आयोगले जनाएको छ ।
प्रत्यक्षतर्फ दुई करोड र समानुपातिकतर्फ पनि दुई करोड गरी चार करोड मतपत्र छाप्न लागिएको हो । आउँदो फागुन २१ गते हुने चुनावका लागि एक करोड ८९ लाख तीन हजार ६ सय ८९ मतदाता छन् ।
मतदाता सङ्ख्याका आधारमा दुवै चुनाव प्रणालीतर्फ दुई/दुई करोड गरी चार करोड मतपत्र छपाइ गर्न लागिएको हो
